حقائق
عن الإيميلات
o
ولا ممكن بأي شكل انك تعرف مين عملّك بلوك ع المسنجر
مستحييل.. لأنو في اتفاقية ترخيص
للمسنجر بتمنع هالشي.. و مهما وصلك ايميلات انو عريف مين عاملك بلوك, بكون هالشي كزب
و دعاية
o
مستحيل يتهكر ايميلك الهوتميل, أو الياهوو أو الفيسبوك، لأنو المسؤولين عن هي
الإيميلات شركات كتير كبيرة و قوية, و معادلات التشفير اللي عم تطلع, بدها سنين لحتى
تقدر تفك كلمة سر وحدة، و اذا ما كان الشخص يللي مهكرلك اخو اختو.. أو انت غلطان
و فاتح ايميل ما لازم تفتحو.. مستحيل يعني يتهكر.
o
مستحيل شركة مايكروسوفت تلغي خدمة الهوتميل, لأنو هي
الخدمة معيشتها, فإياكن تسدقو انو
ممكن يتسكر ايميلك الهوتميل، مايكروسوفت شركة منافسة لشركات كبيرة متل غووغل و
ياهوو, و مستحيل تلغي خدمتها الأقوى و الاكثر منافسة بين الشركات.
o
اذا ملاقي الانترنت مو عاجبتك شكلها, غيّر المتصفح
تبعك للفايرفوكس او ع الأقل اكسبلورر
تمانة, لأنك معفّن و لسا عم تستخدم اكسبلورر ستة.. .
o
قسما بالله يللي بسمعو من هون و رايح عم يقللي انو
ايميلو الهوتميل اتهكر لأنو في واحد
فطحل بالانترنت هكّرلو.. بأفا ايدي ع خلقتو.. لأنو مهما كان فطحل.. فهاد الشي مو مهم.. المشكلة فيك انت لانك
حاطط كلمة سر هيي اسمك و يوم ميلادك فغيرهن هلأ و ما تحط كلمة سر من الواحد
للتسعة يا فهمان, او تحط اسمك و بعدين كم رقم.. لأنو يللي بدو يقصد يحزر الكلمة, مستعد
يجرب 200 خيار لحتى يلاقي الكلمة.. و عملتها أنا من قبل و جربت اكتر من 250
احتمال, ووصلت لكلمة سر احدى الشخصات.
o
لما تروح ع الكافيه نت, اتأكد انك عملت تسجيل خروج, و لا تسجل كوكيز ع جهازك, يعني بعد
ما تخلص من مسنجرك, عميل تسجيل
خروج و سكر المسنجر, أو اذا فاتح ايميلك او الفيسبوك أو اي شي.. اتاكد
من تسجيل الخروج, لأنو مجرد تسكير
الصفحة ما بيعني انك طلعت من الموقع, لأنو في ملفات بتنزل ع جهازك بتحفظلك دخولك
لمدة معينة اسمها مدة الجلسة.
o
لما بتضيفك بنت ع الفيسبوك, ما عندها غير صورة وحدة و
مشلّحة, هي بتكون شركة عم تحاول تجمع
5000 عضو مشان تبعت دعايات لا تسدق انها بنت و تصير تبعتلها, شكرا ع الإضافة.
o
لا تسدق و تبعت الإيميل لعشر اشخاص بعدين تكبس اف ستة،
لانو اف ستة, بتنقلك لشريط العنوان و
بس, بكل المتصفحات.. و ما بتطالعلك اسم حبيبك ابدا..
o
الله ما عم يستناك تعمل فوروورد فإذا ما بعت شي مسج ما رح تموت ولا رح ينشل ابن
عمكن ولا رح تنهار البناية عليكن ... ورئيس الأرجنتين ما مات لأنو أهمل رسالة
العدرا لأبنائها .....
o
ما رح يصير معكن سرطان من الديودوران ..ولا رح يهر
شعركن من الشامبو .. والكولا صحيح
بتفتح البلاليع بس صالحة للاستخدام البشري ........ يعني الليمون بيهري البلاط بس ما بموتنا ..
o
و لا في بنت بين الحياة و الموت إذا ما بعتت الأيميل
لكل الكونتاكت اللي عندك و بهدلت حالك
رح تموت هالصغيرة فوراً.
o
الريد بول مو مصنوع من بول الثيران ... والجيل مو من
دهن الخنزير ... وبيبسي ما دخلها
باستمرار دولة اسرائيل ...
الرئيسية 
