حلاهـا غيـر مـن يشبـه حلاهـا
يذوب السكّر أصلاً مـن حلاهـا
هي أحلا ماخلـق ربـي .. وربّـي
مدام الشمس تخجل من ضياهـا
أصبحها علـى ذوقـي / وشوقـي
يحاول بـس يستوعـب مداهـا
وأمسّـي قلبهـا بالـحـب دايــم
عسى الله دوم يسعدلـي مساهـا
هي أكبر من شعـورٍ جيـت أقولـه
ولكـن ردّنـي عنّـه حيـاهـا
خجولـه مـن خجلهـا ياجمـاعـه
أشك أن الخجل [ رابي معاهـا ]
حنونه .. ناعمـه .. جـداً أنيقـه
حتى الورد ياخـذ مـن شذاهـا
يغـارنّ الصبايـا مــن دلعـهـا
وفتنتها.. ورقتهـا .. وصباهـا
حتـى أختهـا يـانـاس تخـشـى
تماشيها , [ فقط تمشي وراها ]
وأنا يكفيني تضحـك كـل ماقلـت
[ أحبك ] .. ضحكها يعني رضاها
وأنا مابيهـا غيـر تكـون قربـي
ويكفينـي مـن الدنيـا غلاهـا
أنا أوعدهـا بحبّـي مثـل ماهـي
وعدتنـي بالمحبـه مـع وفاهـا
وأنا أوعدها أكون أنسـان مخلـص
وأخون القلب لـو مـرّه نساهـا
أقصّـه مـن وريـده لـي وريـده
عشان يموت من سبـب عناهـا
وعسانـي فـدوه لماطـى قدمهـا
أنا كلّـي مـع أشعـاري فداهـا
حلاها غيـر وغيـر بكـل حاجـه
عساني مااْنحرم لحظـه هواهـا
الرئيسية 
