شــــــــبكة ومنتديــــات همس الروح
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدى
سنتشرف بتسجيلك
شكرا
شبكة ومنتديات همس الروح
•·.·`¯°·.·• أمل مشرق لغد جديد •·.·°¯`·.·•

الادارة العامة

شــــــــبكة ومنتديــــات همس الروح

•·.·`¯°·.·• أمــــــل مشــــــــرق لغد جديد •·.·°¯`·.·•
 
الرئيسيةالبوابةالتسجيلدخول


اهلا وسهلا بكم في شبكة ومنتديات همس الروح


شاطر | 
 

 من حطين إلى عـرابة

اذهب الى الأسفل 
كاتب الموضوعرسالة
حبيب الأقصى

المدير العام
المدير العام
avatar

الدوله : فلسطين
MMS •·.·`¯°·.·• أمل مشرق لغد جديد •·.·°¯`·.·•
الدلو تاريخ التسجيل : 10/12/2009
رساله sms : •·.·`¯°·.·• أمل مشرق لغد جديد •·.·°¯`·.·•

مُساهمةموضوع: من حطين إلى عـرابة   الثلاثاء ديسمبر 15, 2009 12:45 pm

من حطين إلى عـرابة


السيـدة سهـام فالـح إبراهيـم شبـايطـة كنـاعنـة (أم هشام) ولدت في حطين سنة 1939. راجعتُ معها ذكرياتها وسمعتُ شهادتها من خلال هذه المقابلة التي أجريت في آذار 2007 في عرابة البطوف حيث تسكن.


"الشوارع بحطين كانت بلاط. ما بعرف ليش، كانت شوارعها مثل شوارع عكا. وقنوات المي تمر فيها. القنوات كانت بين البيوت. هاي المي مية العيون. حطين فيها كثير عيون، مية العيون كانت جنب (مقام) النبي شعيب، تنزل بقنوات على البساتين، وقسم منها ينزل على القسطل. القسطل كان جنب الجامع. هذا الجامع كنت اطلِِع عليه ألـقـّطين من حاكورة أهلي الموجودة بين الجامع والقسطل. حاكورتنا إسمها حاكورة اليهودي لأنه أبوي اشتراها من يهودي (من اسحق اليهودي، وكان أحد سكان حطين. م.ك.)، اشترى 40 دونم، قبل ما طلعنا بسـنتين أو ثلاثة. كان عنا كرم زيتون بس أبوي قلع نص الزيتون وزرعه لوبية وبندورة... لليوم الأرض موجودة.


كانت النسوان تروح تملـّي ميّ من العين، بذكر قبل الاحتلال بأشهر كنت أسمع الرجال تقول انه إن شاالله عن قريب بدنا ندخـّل مواسير ميّ على البيوت. طلعنا وما دخلنا المواسير. أهل القرى المجاورة مثل عرابة، دير حنا، سخنين، نمرين ولوبية، ما كان عندهم مي كثير. لما كانوا يروحوا على طبريا كانوا ييجوا على القسطل يرتاحوا ويشربوا هم والدواب وبعدها يكملوا الطريق. قـُدام القسطل كان بسـتان لأهلي، أبوي حفر هناك بركة طولها مترين وعرضها أربعة متر والغـمق متر ونص. الميّ اللي تزيد كنا نحفظها بالبركة، لأنه الميّ بحطين كانت مقسمة بين الفلاحين، مثلاً اليوم دور أبوي يسقي الزرع، لما يخلص ريّ، الميّ اللي تبقى كان يحطها بالبركة. جنب البركة كان في شجرة جوز كبيرة. لما رجعت أزور حطين بعد ما تهجرنا كانت شجرة الجوز واقعة بالبركة...


عند اهلي كان في مضافة، كل بيت فيه مضافة، أهلي كان عندهم 4 غرف، وحدة منها للمضافة، وكمان غرفة للمونة، مونة الضيف... لما ييجوا الضيوف نقدملهم من المونة. عمي محمد هو اللي كان ماسك الديوان، أبوي كان يشتغل بالبساتين، وعمي محمود كان مع الحراثين. كان عنا 4 حراثين. عمي احمد كان ساكن بطبريا يبيع المنتوج هناك بالدكانة.. خضرة ولبن وكل شي. النسوان كانت تنزل على الأرض تعشب وتحصد وتعمل كل شي. انا كنت الحق أهلي على السهل. النسوان كانت تتعب كتير، تقوم الصبح تخبز وتحضر زوادة للحراثين وتفلح. كنا نزرع قمح وكرسـنة وحمص وعدس وذرة، غير البساتين اللي كان فيها كل اشي. حطين كان فيها زيتون كثير وكل بيت فيه دواب، الناس كانت تروح تحج على الدواب، يسافروا أشهر على الطريق. بحطين كان في نسوان لبّـانات، أهلي كانوا يحلبوا ويروحوا على طبريا يبيعوا، النسوان تحمل على روسها وتروح تبيع بطبريا. لليوم، الشارع اللي كنا نمشي فيه من طبريا لحطين موجود. أبوي كان يقلنا انه بحطين فيه غوليه بالشارع، طلعت بالآخر وحدة بدوية من دار فواز مجنونة وقاعدة بنص الشارع.


قسم من المحصول كنا نبيعه بطبريا. كل أغراضنا نشتريها من هناك، حتى المريض كان يروح على طبريا. طبريا كان فيها حمامات. كنت أروح مع إمي للحمام. لليوم الحمام موجود بس مسكـّر. الحمام كان عقد قديم، جورة بالأرض غميقه، ومن جوّا بركة تنزل عليها النسوان بالدرج. كان في جنبنا يهود من عين الكتب، ما بعرف شو أصلهم، كانوا جيرانا بالأرض، العلاقات معهم كانت منيحة، بذكر مرة شباب من حطين سرقوا غنم من عين الكتب، وأجوا أهل حطين ورجّعوا الغنم لاصحابها.


المدرسة كانت فوق دار أهلي. كانت بس للأولاد. أبوي كان بدّه يبعثنا على طبريا نتعلم... كان معلم اسمه صلاح من صفد مستأجر عنا مع أخته.. بس بنت وحدة من حطين تعلـّمت، غزالة الرباح بنت مختار البلد، تعلمت بطبريا، واليوم ساكنة بأبو ظبي. أهل حطين صاروا يقولو لأبوها، بعثها تتعلم عشان بكرة تصير تكتب مكاتيب لصاحبها! قالهم "تكتب هي، أحسن ما حدا يكتبلها".


ما كان في أفران بحطين، بس طوابين. النسوان هي اللي تبني الطابون. يبنوا خشة صغيرة وبيت العيش داخلها، يعملوا بيت من طين ويغطوه بحديد، وكل يوم يحطوا عليه نار وزبل، وبعدها يصيروا يخبزوا فيه. الزلام كانت تحطب مش النسوان، لأنه ما كان في عنا أحراش، كانوا يروحوا يحطبوا من عيلبون.


كانت الأعراس تصير بالمراح. يجيبوا حطب ويولعوا نار عشان البلد تتفرج على بعضها. كل حطين تروح على العرس. البنات كانت تتزوج بجيل صغير. كان في زجل وحدّايه، والشباب والبنات ترقص. خالتي كانت خياطة، كان عمي محمد يروح يجيب قماش من طبريا للنسوان، كان يجيب ثوب للبنات وثوب للإمايات، ونصير نخيط... النسوان كانت تخيط لبيتها، بس خالتي كانت تخيط للعرايس كمان مقابل مصاري. بحطين كان في مراح، كل شي نعمله فيه. مرة جابوا سينما على المراح. الغجر كانوا ييجوا كل مدة ومدة على المراح بحطين، ومش عارفة كيف كانوا يمشوا على الحبل، كانوا يمجدوا بأهل البلد، مثلاً يقولوا "وحيات راس ابو فلان" ويوخدوا مصاري. كنا نخاف منهم. يسرقوا من البيوت وينصبوا شوادرهم على البيادر.


عمي محمد شبايطة كان من الثوار، مرة أجوا الإنجليز يعتقلوه. هرب وطلع على سطح الدار وأخذ السلم معه. كانوا لما يمسكوه ينفوه على الشام أشهر، وبعدها يرجع ويجيبلنا حلويات من الشام. حطين كان فيها كثير ثوار. إبن عمي فضل كان من الثوار. رحل معنا لما طلعنا على وادي الليمون.


شباب حطين كانت تعمل حراسة ليلية على حطين. كانوا يشتروا سلاح. الجيش العربي بنى استقامات فوق دار أهلي، وكنت أروح أتفرج عليهم كيف يعملوا الإستقامات ويحفروا بالأرض. كانوا يناموا بالمدرسة. لما سقطت لوبية حسينا بالخطر وقررت الناس تطلع، حتى الجيش العربي. كل شباب حطين حاربوا بلوبية، لوبية قاومت. لما سقطت لوبية إستشهدوا شابين من حطين. بتذكر لما جابوهم على البلد على أكتافهم عن طريق النبي شعيب. يوم ما رحلنا كانت الناس بالحصيدة. القمح بعده على البيادر. يهود طبريا قالولنا ما تطلعوا من حطين، بس الناس خافت. سمعنا بدير ياسين وكيف ذبحوا البنات والنسوان. خفنا وطلعنا. الجيش دخل حطين بعد ما طلعت الناس. إحنا طلعنا بالنهار. جبنا أنا وأختي فاطمة شوال خيش وضبينا أواعينا لحد ما اجت امي من السهل، ركبنا على الخيل وطلعنا. الناس كانت ماشية كلها بالوعور. اللي حامل على راسه، واللي على الدواب. كل واحد راح بإتجاه. سمعت عن وحدة تركت بنتها تحت الزيتون ورباها واحد من عرابة. إحنا رحنا على وادي الليمون؛ من جهة المجدل اسمه وادي الحمام، ومن جهة حطين اسمه وادي الليمون. نمنا هناك والطيارات حوالينا. بعدها طلعنا على وادي سلامة لمده شهر. نمنا على الأرض تحت الزيتون. أبوي كان يرجع بالليل من وادي سلامة مع اولاد عمي عشان يحمل أغراض من البيت، بس أغلب المحصول كان على البيادر. لما يرجع كان يقول "اليهود دخلوا على حطين" لأنه لما اليهود كانوا يسمعوا ضجة يصيروا يطخوا. الكبار بالسن طلعوا مع الناس، ستي إم أبوي حطوها بعرابة عند عمتي، وبعدها طلعنا على فراضية، استأجرنا بيت وقعدنا شهرين. ولما صارت فراضية بدها تسقط رحنا على بنت جبيل بسيارة، بعنا الدواب والمواشي اللي معنا، أكثر من أربعين راس بقر، وبعدين رحلنا على عين الحلوة، وظلينا فيها لمدة ثلاث سنوات. هناك وكالة الغوث وزعت علينا الشوادر والأكل. لما مات الملك عبد الله كنا بعين الحلوة. كان عنا جار ضرير اسمه أبو صالح، أجا عنا وجاب كرش حلاوة موت الملك، وصارت الناس تغني "طارت طيارة بالبلد تلامع، والملك عبد الله مات بالجامع". أبوي ما قدر يعيش بعين الحلوة، كان يقعد بفلسطين أشهر يشتغل بستانجي عند يهودي من طبريا اسمه النحماني، وييجي يزورنا بعين الحلوة. أعمامي واخوالي كلهم بعين الحلوة، بس أبوي قرر بعد ثلاث سنين انه نرجع على فلسطين. ما قدر يعيش بلبنان.


جوز خالتي انقتل بعيلبون. لما صارت مجزرة عيلبون وماتوا 12 شاب، كان هو واحد منهم. خالتي ما عرفت إنه مات إلا لبعد فترة. النحماني طلب من أبوي إنه يرجع مع عائلته على حطين، وإنه راح يعمل هوية لأمي ولأخوتي. بالأول عمل هوية لأبوي، وبعدها لأمي، وهيك رجعنا بالـ 1952 من عين الحلوة على بنت جبيل، ومنها على الجش، مشي على إجرينا، لأنه خوال إمي بالجش. وصلنا على الجش أول النهار، وبقينا بكرم التين للمغرب، لأنه كنا خايفين من الجيش. بالصدفة إجا الحاكم العسكري يوكل تين، قالتله مرة خالي "وين جاي لهون؟ التين الشلبي موجود لفوق، إطلع فوق." وهيك نجينا من الحاكم العسكري. ثاني يوم جابني أبوي أنا وأختي فاطمة وعدلة، ورَكبنا بالباص من الجش لعكا، ومن عكا رحنا مع واحد بسيارة شحن عند عمتي على عرابة. ثاني يوم رجع أبوي من عكا على الجش وجاب أمي وأخوتي طارق وسعاد الصغار. لما طلع أخوي طارق على الباص طلب من أبوي فرنك. أخوي كان عمره 3 سنين وبعرف بس لغة الفرنك من عين الحلوة. أبوي لكشه، وسكت طارق. لما وصلنا على عرابة اشتغل أبوي بطبريا عند النحماني. كان يرجع مشي من طبريا على عرابة. بالآخر قرر انه ننتقل على عيلبون. بعدها أجا النحماني وقال لأبوي: "فالح، بدي أرضك. أو بتعطيني أرضك أو ما في إلك عندي شغل." أبوي قاله "ما بدي اشتغل." وهيك ترك الشغل عند النحماني، وصارت المخابرات تيجي عند أبوي ويقولوله "وين بدك أرض بنعطيك، بس تنازل عن أرضك بحطين." بس أبوي ما رضي يتنازل. بـ 1986 برمضان، قرر أخوي صابر يتعلم خارج البلاد، راح أبوي وإمي حتى يوصلوه على المطار، وهم راجعين بالطريق عملوا حادث وماتوا.


لما رجعت بعد سنين أزور حطين أنا وجوزي، كانت البيوت موجودة، بس أهل طرعان فكوا البيوت وأخذوا الحجارة. صرت أمشي بين الاعشاب، ما خفت، رحت أدوّر على حاكورة المردفة... هاي الحاكورة كان أبوي زارعها تين قبل ما طلعنا، وأنا وقتها طلعت على التينة ووقعت. التين صار كبير وطالع شتل صغير جنبه. صحيح إنه الجذور ما بتموت. رحت بعدها أشوف وين كانت دار رباح، كان في هناك مصطبة باطون بعدها موجودة لليوم، عملوها قبل التهجير عشان يبنوا بابور زيت. كمـّلت الطريق بالبلد وشفت طاقات البيوت القديمة، البيوت مهدومة والطاقة موجودة. الشجر بعده موجود لليوم. أبوي لآخر يوم بحياته كان عنده أمل يرجع على حطين. كان كل يوم جمعة يطلع مع أخوي طارق على حطين ويشرحله وين الأرض، ولليوم إحنا بنروح على حطين. أنا لما بروح بقول "بلادي بلادي، دمي فداك"، "عليك السلام يا أرض أجدادي، فيك طاب المقام وطاب إنشادي".


عنا أمل نرجع على حطين. مستعدة أنام بحطين وما بخاف. السنة الماضية مشيت بالحواكير لحالي، رحت عند التوتة، وعلى الخروبة اللي كنت اطلع عليها. ذكرياتي هناك. أغلب حلمي بحطين. بحلم إنه إحنا راجعين وبدنا نصلح الدار. اللي بتخلى عن أرضه بتخلى عن عرضه."


من موقع: جليل

********************************* توقيــ ـعــ ــي **************************************
<img src="https://i.servimg.com/u/f13/14/63/00/89/aqsa1110.jpg"><br>
الرجوع الى أعلى الصفحة اذهب الى الأسفل
::Not Found::

المدير العام
المدير العام
avatar

MMS •·.·`¯°·.·• أمل مشرق لغد جديد •·.·°¯`·.·•
اللقب : Oxygen
نوع الاشراف : ادارة عامه
الاسد تاريخ التسجيل : 11/12/2009
العمل/الترفيه : طالب
المزاج : روووووووووووووووش
رساله sms : الداعم الفني
لشبكه و منتديات همس الروح

مُساهمةموضوع: رد: من حطين إلى عـرابة   الأربعاء ديسمبر 16, 2009 4:24 pm

شكرا لك حبيب الاقصى
على الموضوع

********************************* توقيــ ـعــ ــي **************************************
أمل مشرق لغد جديد





[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
حبيب الأقصى

المدير العام
المدير العام
avatar

الدوله : فلسطين
MMS •·.·`¯°·.·• أمل مشرق لغد جديد •·.·°¯`·.·•
الدلو تاريخ التسجيل : 10/12/2009
رساله sms : •·.·`¯°·.·• أمل مشرق لغد جديد •·.·°¯`·.·•

مُساهمةموضوع: رد: من حطين إلى عـرابة   الأحد ديسمبر 27, 2009 9:54 pm

شكر ا لك ماد على المرور

********************************* توقيــ ـعــ ــي **************************************
<img src="https://i.servimg.com/u/f13/14/63/00/89/aqsa1110.jpg"><br>
الرجوع الى أعلى الصفحة اذهب الى الأسفل
صقر فلسطين
الاعضاء النشيطين
الاعضاء النشيطين
avatar

الاسد تاريخ التسجيل : 14/12/2009

مُساهمةموضوع: رد: من حطين إلى عـرابة   الجمعة يناير 08, 2010 12:06 am

مشكووووووووووووووووووووووورحبيب الاقصى على الموضوع الجميل
الرجوع الى أعلى الصفحة اذهب الى الأسفل
نسر فلسطين
الاعضاء النشيطين
الاعضاء النشيطين
avatar

الاسد تاريخ التسجيل : 14/12/2009

مُساهمةموضوع: رد: من حطين إلى عـرابة   الخميس يناير 14, 2010 6:34 pm

pmمشكووووووووووووووووووووووورحبيب الاقصى على الموضوع الجميل
الرجوع الى أعلى الصفحة اذهب الى الأسفل
 
من حطين إلى عـرابة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شــــــــبكة ومنتديــــات همس الروح :: الاقسام الفلسطينية :: همسات الفلسطيني العآآم،،-
انتقل الى: